Argitaletxeak Ikusi Mikusin
Euskara hutsean den haur eta gazte literatura ekoiztea eta saltzea biziki zaila da gure euskal-herri ttikian : literatura euskaraz, eta gainera haur eta gazteen literatura !
IKUSI MIKUSIk lehio berri bat zalbaltzen die argitaletxeei : behingoz haur eta gazte literatura da lehen lerroan kokatzen, eta eskola egunean, milaka haurrek jasotzen dituzten bonoei esker, milaka liburu saltzen dira !
Azkenean haize-ufada on eta positibo bat haur eta gazte literatura hedapenean !
Urriak 11a ostirala eta 12a larunbata, 2024
Ikusi Mikusi azokara etortzera gonbidatzen zaituztegu, euskal haur eta gazte literatura sustengatzeko aukera paregabea eskaintzen baitu. Aurten Saran izanen den azoka, urriaren 11an eta 12an iraganen da eta Iparralde zein Hegoaldeko argitaletxeei zuzendutako ekimen berezia izango da.
Zergatik parte hartu?
- Ikusgarritasuna: Ikusi Mikusi azoka, mugaz gaindiko jendea biltzen duen ekitaldia da. Argitaletxeek ikusgarritasuna lortzeko aukera bikaina dute euren lanak Euskal Herri osoan zabalduz. Haur eta gazte literaturaren arloan aritzen diren profesionalek, idazleek, ilustratzaileek eta liburu-saltzaileek, ikusle berriak eta irakurle gazteak erakartzeko aukera izango du
- Liburu-salmenten sustapena: Azokara etortzen diren haur bakoitzak, Urriaren 11an, eskola egunean, liburu bat erosteko bonoa ukango dute. Bono bakoitzak 15 euroko balioa du eta haur bakoitzak liburu bat erosteko erabiliko du. Argitaletxeentzako salmenta aukera ederra, haurrek liburua erosi eta etxera eramateko aukera izango baitute.
- Profesionalen arteko elkarlana: Ikusi Mikusi azoka profesionalentzako ere topagune berezia da. Ostiralean, urriaren 11an, profesionalentzako eguna antolatuko da. Bertan, argitaletxeen, idazleen eta ilustratzaileen arteko truke eta lankidetza sustatuko dira, elkarrekin indarrak batzeko eta sektorearen erronkak aztertzeko aukera emanez. Hitzaldiak, tailerrak eta mahai-inguruak izango dira, non parte-hartzaileek esperientziak partekatu eta ikasteko aukera izango duten. Egun hau Euskal Kultur Erakundearekin, eta Bilketarekin antolatua izan da.
Animatu eta parte hartu!
Ikusi Mikusi azokak euskal haur eta gazte literaturari bultzada handia emateko asmoa du, eta horretarako zuen parte-hartzea ezinbestekoa da. Elkarrekin, gure literaturaren etorkizuna indartuko dugu, eta gazteek irakurketa ohiturak euskaraz garatzen lagunduko diegu.
Izena eman edo informazio gehiago eskuratzeko, ez duda hemen idaztea : ikusimikusi@gmail.com
Milesker jada etortzen diren Argitaletxe guztiei 🙂
