Ikuskizunak

Galdetxo poetiko bat gure gorputzaz, besteekin dugun harremanaz, eta gure irudimenek eskaintzen dituzten aukera guziez. Haur liburuetarik harturiko istorio xume hauek, gauza berezi batzuekin kontatuak, gomita egiten digute gure izaera bereziari begiratzeko, poza eta bihotz zabal batekin.

Nola identifika gaitezke erakusten dugunaren eta garenaren artean? Aske bizi dugu geure nortasuna?
Genero eta rol estereotipoetatik abiatuz, guztiok bizi duguna eta guhaur izateko bidea nola bilatzen eta aurkitzen ahal dugun, aipatzen da MIKRA piezan, zirku disziplina akrobatikoak eta poetikoak erabiliz.

Ttinka ikuskizunaren bidez, kantua, musika, ipuinak eta antzerkia uztartzen dira. Kantu guziak sorkuntzak dira eta gehienak proiektu honendako espreski sortuak. Proiektuak osotasun bat eskaintzen du : diska/liburua eta ikuskizunarekin batera lanketa pedagogiko bat proposatzen du, hizkuntza, memoria eta jakin-mina uztartuz.